Bæta tengingu milli Skeifunnar og göngubrúarinnar

Hverfi: Háaleiti og Bústaðir

2022–2023, Samgöngumál—Stígar
Interest survey: 97% positive out of 76
  • 14. desember 2022

    Í vinnslu

  • 8. febrúar 2023

    Hugmynd var samþykkt í yfirferð þar sem hún uppfyllti reglur og skilyrði verkefnisins

  • 7. mars 2023

    Hugmynd komst á kjörseðil hverfisins og í kosningu

  • 6. september 2023

    Í kosningu

  • 29. september 2023

    Hugmynd hlaut kosningu og hefst nú hönnun á henni og undirbúningur framkvæmda

Bæta tengingu milli Skeifunnar og göngubrúarinnar

About the idea

Verkefnið felur í sér að greiða aðgengi fyrir hjól, vagna og hjólastóla frá göngubrúnni og niður í Skeifuna.

Original text from the author

Í Skeifunni er fjölbreytt úrval verslana og þjónustu sem íbúar í nálægum hverfum gætu nýtt sér gangandi og hjólandi í mun meira mæli ef aðgengi væri betra. Það er auðvitað efni í stærra verkefni og lengri pistil að bæta samgöngur fyrir gangandi og hjólandi innan Skeifunnar, en ein úrbót væri þó að komast gangandi/hjólandi af göngustíg meðfram Miklubraut og inn á planið hjá Krónunni.

Sé farið yfir Miklubraut um göngubrú sem endar við Hagkaup taka við tröppur til að komast þar inn í Skeifuna, fínir rampar eru niður hvoru megin og sé farið til austurs er hægt að komast inn í Skeifuna hjólandi þar sem Örninn er eða aðeins lengra þar sem Vegan búðin er. Sé farið til vesturs þarf að fara langa leið, inná Grensásveg og svo niður til hægri hjá Pfaff.

Það er hægt að labba af göngustíg meðfram Miklubraut, milli trjáa og hoppa svo niður hlaðinn vegg til að komast inn á planið hjá Krónunni, en þessa leið er alls ekki hægt að fara hjólandi, sama hvort hjólin séu fjögur undir hjólastól eða 2 undir reiðhjóli.

Lítið en mikilvægt skref í átt að bættu aðgengi, öryggi og hvatningu til að nota annan ferðamáta en bíl til að sækja verslun og þjónustu í Skeifuna!