Christmas event in Laugardalur

Væri ekki yndislegt að umbreyta Laugardalnum í Jólaland yfir hátíðarnar? Hugmyndin væri að gera göngustíginn sem liggur á milli fjölskyldugarðsins og Þvottabaðanna að ljósagöngum og skreyta tréin með fullt af jólaljósum. Meðfram göngustígnum væri hægt að hafa sölubása, matarvagna, pop up kaffihús og veitingar. Allt svæðið væri baðað jólatónlist svo að Laugardalurinn verði að sannkölluðu jólalandi sem öll fjölskyldan getur notið saman. Jólasveinar gætu komið við reglulega og uppákomur og tónleikar gætu verið haldnir á torgunum eða inn í Fjölskyldu- og húsdýragarðinum eða Grasagarðinum. Það gætu verið sönghópar, kórar, leikhópar eða hvað sem er sem glatt getur um hátíðarnar.Þetta væri frábært tækifæri til að bjóða fólki að njóta jólahátíðarinnar utan skarkala miðbæjarins og kærkomið tækifæri til að heimsækja fallega dalinn okkar. Þetta gæti orðið árlegur viðburður sem borgarbúar gætu notið saman um áraraðir.